Vive a Fashion Week de As Cancelas
Aínda non o sabes? A VI Fashion Night de As Cancelas xa está aquí! E é que tiñamos tantas ganas de gozala, que adiantamos a data da nosa gran noite da moda, que na súa sexta edición celebrarase o vindeiro venres 1 de xuño. Pero o adianto de data non é a única novidade, porque este ano a Fashion Night convértese en Fashion Week, cunha semana enteira cargada de actividades de moda. Queres saber máis? Continua lendo!
A nosa particular Fashion Week comezará o 25 de maio, con dúas exposicións que achegarán o mundo da moda aos visitantes do centro comercial desde distintos ámbitos. Por unha banda, poderemos gozar en planta 2 da exposición ‘Barbie: un icono de moda’, onde contaremos coa colección máis importante e máis integradora de España da famosa boneca, caracterizada con traxes de diseñadores de alta costura. Pero tamén teremos un espazo destinado á moda máis tradicional de Galicia: os traxes rexionais. En planta 1, exhibiranse os traxes rexionais típicos das distintas zonas de Galicia, a tamaño real e en miniatura. Ambas exposicións estarán no centro comercial ata o sábado 2 de xuño.
Pero para os máis cativos da casa tamén temos preparada unha gran sorpresa. A nosa querida mascota Celi lanza un novo tema musical e quere que algúns dos seus pequenos amigos e amigas sexan os protagonistas do seu videoclip. Apúntaste? Se tes entre 3 e 12 anos, esperámoste o venres 25 de maio no casting para o videoclip de Celi, en horario de 19 a 21h. Pasaralo en grande e poderás conseguir fantásticos premios.
O sábado 26 de maio toca a quenda do baile, e nesta ocasión cunha identidade puramente galega, xa que gozaremos dunha exhibición de baile tradicional galego.
Como colofón a esta gran semana da moda, o venres 1 de xuño, celebraremos a VI Fashion Night de As Cancelas, onde coma sempre haberá suculentos descontos, agasallos, música, degustacións gastronómicas, obradoiros de beleza e moitas sorpresas.
Como mestre de cerimonias para esa noite contaremos co popular presentador de televisión e escritor Jorge Javier Vázquez, que se fará fotos e asinará autógrafos a todos os seus fans, en horario de 19:30 a 21:00h.
Pero ademais, sortearemos máis de 6.000€ en premios entre todos os asistentes, sen necesidade de realizar ningunha compra. Por unha banda, repartiremos 3.000€ en premios directos a través dunhas papeletas de rasca e gaña que todos os visitantes poderán recoller no stand correspondente. Doutra banda, tamén entregaremos a todos os asistentes un número para participar nun sorteo, cuxo premio serán 3.000€ para gastar nas tendas de As Cancelas o sábado 2 de xuño.
Para poñer ritmo á noite, acompañarannos picadiscos de recoñecido prestixio, e ás 21h a cantante galega Lucía Pérez, que representou a España no Festival de Eurovisión do ano 2011, presentará o seu último traballo ‘Quince Soles’.
Non perdas o nosa gran semana da moda!
