Estás invitado: Celi celebra o seu sexto aniversario

Publicado o 11 de Setembro de 2019

Cada setembro, a nosa querida mascota Celi, volve a As Cancelas das súas vacacións de verán para celebrar con todos os seus amigos e amigas a súa gran festa de aniversario. Preparados para pasalo en grande no sexto aniversario de Celi? A data da celebración será o próximo sábado 21 de setembro, de 11 a 21 horas, e coma sempre, encheremos as tres plantas e o parking exterior do centro comercial con divertidas atraccións e actividades infantís para todas as idades.

Pero este ano teremos sorpresas, porque ademáis das máis de 30 actividades gratuítas como o popular jumping, a noria, os divertidos hinchables, o carrusel ou a pista americana, contaremos coa estelar actuación de Gisela, a voz oficial en España das películas favoritas de Disney, que ofrecerá un grande espectáculo ás 21:00 horas. Outra das principais novidades será a gran exhibición solidaria de zumba que se celebrará ás 20 horas a beneficio de Asanog, a asociación de Axuda a Nenos Oncolóxicos de Galicia.

Tamén contaremos con talleres didácticos, actividades deportivas, exhibicións de baile, photocall, e por suposto, merenda gratis para todos! Será ás 17 horas cando o noso simpático extraterrestre reparta entre todos os seus amigos e amigas unha gran tarta de aniversario feita a base de lambetadas, pero ademáis, tamén teremos un posto de degustación de palomitas e outro de algodón de azucre dentro do centro comercial.

Coma sempre, todas as atraccións, talleres e actuacións da gran festa de Celi serán gratuítas para os socios do Club de Celi. Todos os pequenos que aínda non pertenzan ao club poden inscribirse de xeito gratuito en calquera momento na web de As Cancelas ou de maneira presencial no Punto de Atención ao Cliente do centro comerical.

Para poder acceder ás distintas actividades, os nenos e nenas terán que recoller a súa pulseira identificativa da festa nos distintos puntos de información, presentando o seu carné do Club de Celi.