Estamos de volta: As Cancelas, espazo seguro
Durante as últimas semanas, os nosos equipos estiveron traballando intensamente para poder ofrecerche un espazo seguro a partir do 25 de maio, data na que a maioría dos nosos establecementos volverán abrir as súas portas. Queremos que volvas a As Cancelas, e que cando o fagas sexa con total seguridade, por iso, implantamos un rigoroso plan de seguridade cuxas medidas detallámosche a continuación.
En primeiro lugar, instauramos un rigoroso control de aforo en todas as entradas ao centro. Este sistema, proporcionará en todo momento a porcentaxe de ocupación do centro comercial, que tamén se poderá consultar a través da web do centro comercial, para que planifiques a túa visita tendo en conta este dato.
Así mesmo, intensificamos os labores de hixienización e limpeza con ata seis desinfeccións diarias en todas as nosas instalacións: accesos, aparcamentos, peiraos de carga, zonas comúns, etc. Os aseos e salas de lactación tamén se limparán e desinfectarán varias veces ao día, e ademais, limitamos o aforo de ambos os espazos, para poder garantir unha utilización totalmente segura.
Para que poidas manter as túas mans limpas en todo momento, dispoñemos de dispensadores de xel hidroalcohólico en numerosas zonas do centro, e trazamos un itinerario recomendado para canalizar o fluxo de clientes e puntos de espera para xestión de colas. É importante que se respecte a distancia de seguridade recomendada de 2 metros, e que cando esteas a esperar para acceder a unha tenda, o fagas nos puntos de espera que habilitamos nos accesos de cada establecemento.
Dado que a nosa prioridade é a seguridade de todos e seguindo coas recomendacións das autoridades sanitarias, polo momento non van estar operativas as zonas estanciais e paralízanse os servizos de préstamo de silliñas e mochilas portabebés, ente outros.
A maiores das medidas de seguridade e os novos protocolos de hixiene e limpeza que implementamos dende o centro comercial, os nosos operadores tamén desenvolveron as súas propias medidas de seguridade para garantir unha experiencia de visita segura para clientes, traballadores e operadores, nesta etapa de nova normalidade que comeza agora.
A túa saúde é o máis importante, por iso, recordámosche algunhas recomendacións que poidas levar a cabo para facer a túa visita todavía máis segura:
- Debes usar máscara nas túas visitas ao centro.
- Sempre que poidas paga con tarxeta en lugar de efectivo.
- Mantén a distancia de seguridade de 2 metros co resto de visitantes.
- Usa sempre que o precises o xel hidroalcohólico que poñemos á túa disposición.