Campaña de concienciación Cero Accidentes
O obxectivo é concienciar sobre o uso correcto de ascensores, escaleiras e corredores mecánicos para a prevención de accidentes
Vaise a realizar unha campaña de concienciación, en As Cancelas, para o bo uso de ascensores e escaleiras mecánicas dos peques. Durante os días 18, 19 e 20 de decembro a mascota da compañía Thyssenkrupp, Super Zero, xunto coa nosa mascota, Celi, entregarán un cómic no que se explicará o uso cívico e responsable destes elementos.
O evento de entrega de cómics, xunto ás dúas mascotas, terá os seguintes horarios:
- Venres 18: de 17:30 a 20:30h.
- Sábado 19: de 12:00 a 14:00h e de 17:30 a 20:30h.
- Domingo 20: de 17:30 a 20:30h.
As Cancelas acolle esta fin de semana, en colaboración con thyssenkrupp Elevadores, a campaña de concienciación ‘Cero accidentes’, destinada a orientar a pais e fillos na utilización adecuada de ascensores, escaleiras e corredores mecánicos para evitar accidentes. O personaxe ‘Súper Zero’, un superheroe da seguridade, será o encargado de ensinar aos nenos as precaucións necesarias para o correcto uso de ascensores e escaleiras mecánicas. ‘Súper Zero’ estará acompañado de Celi, a mascota de As Cancelas, que lle botará unha man nesta campaña.
A partir de mañá venres e durante a fin de semana, haberá xogos, sorpresas e actividades relacionadas coa seguridade. Ademais, os nenos recibirán un kit que contén o cómic Las aventuras de Súper Zero, que mediante o uso dunha linguaxe didáctica, ensina aos máis pequenos a evitar riscos e actuar en diferentes situacións da vida cotiá.
O delegado en Santiago de thyssenkrupp Elevadores, Guillermo Mayo, declarou que “o obxectivo da campaña é garantir a seguridade da poboación infantil mediante actitudes preventivas, facilmente aplicables á vida cotiá”. “A acción preventiva é a base da actividade de thyssenkrupp como provedor de servizos de mantemento e, con esta campaña, en colaboración con As Cancelas, queremos trasladar esta filosofía a pais e fillos. Estamos seguros de que haberá un impacto moi positivo nos veciños da cidade de Santiago”, engadiu.
Acerca de As Cancelas
Con 50.000 m2 e 2.300 prazas de aparcadoiro gratuítas, As Cancelas é o centro comercial líder na área de Santiago de Compostela.
Copropiedade de Carmila e Realia e xestionado por Carrefour Property, a oferta do centro distribúese en tres plantas nas que destacan as 8 salas de cine de CINESA, un Hipermercado Carrefour, 15 locais de restauración e unha completa variedade de tendas de moda que agrupan os seus descontos e promocións a través da tarxeta de fidelización do centro.
As Cancelas é un espazo pensado para a comodidade do visitante, cunha oferta de lecer e cines que se mantén aberta de luns a domingo os 365 días do ano e contando con aparcadoiro gratuíto tamén para bicicletas e motos, zona WiFi, despachos de billetes e sala de lactación. Sempre pensando nas familias, As Cancelas conta co Club de Celi, un club infantil que aglutina todas as actividades infantís do centro, sempre gratuítas, e que conta xa con máis de 8.000 socios.