A firma de calzado Deichmann elixe As Cancelas para a súa primeira tenda en Santiago
O líder de zapatería en Europa contará cun establecemento de 560 m2 no centro comercial líder da área compostelá
A apertura de Deichmann reforza a ampla oferta de As Cancelas en moda e complementos e consolida a súa posición como referente no sector
O Centro Comercial As Cancelas ampliará proximamente a súa oferta en calzado e accesorios coa apertura do primeiro establecemento de Deichmann en Santiago de Compostela, o terceiro da firma alemá en Galicia. O acordo alcanzado por Carmila con Deichmann supón a chegada da cadea de zapatería líder en Europa, ademais dunha das firmas máis recoñecidas en todo el mundo pola calidade do seu calzado.
O novo punto de venta, que disporá de 560 m2 de superficie, contará coa máis completa proposta en calzado para todos os públicos. Entre os seus produtos destacan as marcas propias da firma (Graceland, Catwalk e 5th Avenue para muller, e AM Shoes e Memphis One para home), así como unha grande variedade de firmas deportivas (Adidas, Puma, Nike, Fila, Kappa, Reebok e Le Coq Sportif, entre outras).
Este acordo representa para As Cancelas –centro propiedade de Carmila e Realia– un paso máis no seu constante labor de renovación comercial para ofrecer as mellores marcas e servizos aos residentes de Santiago e a súa área, e manter a súa posición como líder na área compostelá.
Acerca de As Cancelas
Con 50.000 m2 e 2.300 prazas de aparcadoiro gratuítas, As Cancelas é o centro comercial líder na área de Santiago de Compostela.
Copropiedade de Carmila e Realia e xestionado por Carrefour Property, a oferta do centro distribúese en tres plantas nas que destacan as 8 salas de cine de CINESA, un Hipermercado Carrefour, 15 locais de restauración e unha completa variedade de tendas de moda que agrupan os seus descontos e promocións a través da tarxeta de fidelización do centro.
As Cancelas é un espazo pensado para a comodidade do visitante, cunha oferta de lecer e cines que se mantén aberta de luns a domingo os 365 días do ano e contando cun aparcadoiro gratuíto tamén para bicicletas e motos, zona WiFi, despachos de billetes e sala de lactación. Sempre pensando nas familias, As Cancelas conta co Club de Celi, un club infantil que aglutina todas as actividades infantís do centro, sempre gratuítas, e que conta xa con máis de 8.000 socios.
Acerca de Realia
REALIA é un grupo inmobiliario dedicado á promoción, xestión e explotación de edificios de oficinas, centros comerciais, vivendas e solo. Desenvolve a súa actividade en dúas áreas de negocio:
-Negocio patrimonial: Xera ingresos recorrentes mediante o arrendamento e xestión de edificios de oficinas e centros comerciais; así como ingresos extraordinarios mediante rotación de activos. A compañía conta cun destacado porfolio de 41 inmobles de oficinas e centros comerciais para aluguer, cunha superficie alugable de máis de 400.000 m² e unha ocupación do 91%.
-Negocio residencial: Produce ingresos pola promoción e venda de produtos inmobiliarios, principalmente vivendas, e xestión de solo.
Acerca de Carmila
Carmila é un grupo especializado na dinamización de centros comerciais que comeza a súa actividade en Francia, España e Italia en abril de 2014. Concibido, dende a súa creación, para ser un dos principais actores do mercado europeo, dispón dun patrimonio de 1.017.000 m2 repartidos en 181 centros comerciais contiguos a hipermercados líderes na súa zona de influencia.
Carmila España ten 66 centros comerciais en propiedade, distribuídos en 32 provincias en localizacións estratéxicas de primeira calidade. Con 335.000 m2 de Superficie Bruta Alugable (SBA), a compañía xestiona 2.163 locais e medianas superficies.
A súa estratexia activa de creación de valor contempla un importante plan de renovacións cunha inversión a curto prazo -de aquí a 2016- de 106 millóns de euros.
