Propósito de novo ano: de volta ao deporte

Publicado o 12 de Xaneiro de 2017

Comer máis san, deixar de fumar, aforrar algo de cartos ou aprender inglés, son só algúns dos propósitos do novo ano que nos marcamos con moita ilusión cada 1 de xaneiro, e que chegados de novo a decembro, comprobamos que non cumprimos. Aínda que o rei da lista das boas intencións é apuntarse ao ximnasio, moi por diante dos citados con anterioridade.

Baixo os obxectivos de facer máis deporte, perder eses quilos máis ou manterse en forma, os ximnasios de todo o mundo sofren cada xaneiro unha avalancha de solicitudes de matrícula, que rara vez se manteñen ao longo do ano porque a nosa motivación inicial non adoita durar máis dunhas semanas ou meses, no mellor dos casos. Hoxe no blog de As Cancelas dámosche as claves para que a volta ao deporte non se converta nunha causa pendente e se transforme nunha realidade

Brazalete móbil (Décimas) / Bolsa deporte Nike (Décimas) / Zapatilla Nike Skylux (Décimas) / Calcetíns running (Décimas).

Fixa obxectivos alcanzables: cantas veces escoitariamos “este ano vou correr a media maratón” a persoas que nunca antes calzaran unhas zapatillas de running? Se non practicas deporte de forma habitual e te marcas unhas metas desproporcionadas, seguramente te desmotives moi rápido e abandones a causa. O ideal é establecer obxectivos máis modestos e escalables, e ir ampliándoos a medida que os vaias superando. Indo chanzo a chanzo, sentiraste máis satisfeito con cada pequeno reto conseguido e motivaraste para afrontar os seguintes.

Oysho / Pull&Bear / Pull&Bear.

Planifica o teu propio calendario: tan importante é ter decisión para lanzarse a facer deporte, como o control e o seguimento das sesións. Fixa cantos días á semana e horas vas dedicar a alcanzar o teu obxectivo e traballa para cumprir as sesións marcadas. O corpo ten memoria, polo que se comezamos a realizar algunha actividade física de forma constante, cada vez custaranos menos e sentirémonos máis motivados. Non importa se un día te saltas a visita ao ximnasio, pero se empezamos incumplindo o planning de forma reiterada, ao final acabaremos deixándoo abandonado.

Décimas / Décimas / Décimas.

Busca compañeiros que compartan os teus obxectivos: resulta de moita axuda que alguén tire de nós nos momentos nos que a vontade flaquea. Se dependes só de ti mesmo, non che custará poñer unha escusa para non cumprir co adestramento, con todo, se contas co apoio doutra persoa ou ata dun grupo, será moito máis fácil cumprir os obxectivos marcados. Non o dubides, convence a un irmán, a unha curmá, ao teu mozo ou a un amigo para emprender o camiño cara a unha vida máis saudable.

Botella auga (Décimas) / Suxeitador deportivo Nike (Sportzone) / Toalla microfibra (Sportzone) / Reloxo Berg (Sportzone) / Zapatilla running Nike (Décimas) .

Apóiate nun profesional: se non sabes moi ben como empezar con isto do deporte, podes recorrer á axuda do monitor do teu ximnasio, un adestrador persoal, un club ou unha asociación deportiva. Orientaranche cos deportes e exercicios máis recomendados en función dos teus obxectivos e características persoais, e apoiaranche nos momentos que se che fagan máis costa arriba. Se nin aínda así logras ser constante, recorda os cartos que estás investindo en mellorar a túa condición física para conseguir un extra de motivación.

Bershka / Pull&Bear / Bershka.

Practica unha alimentación saudable: aproveitando o comezo do novo ano, suma ao obxectivo de facer máis deporte o de coidar a túa alimentación o máximo posible. Por suposto, non estamos falando de dietas, se non de intentar comer máis san, e con algúns pequenos xestos podes conseguilo. Substituír os produtos procesados por frescos, reducir o consumo de graxas, aumentar a inxesta de froitas e verduras, beber moita auga, ou facer cinco comidas ao día de menor cantidade, fará que te sintas mellor e axudarache a alcanzar as túas metas.

Oysho / Pull&Bear / Zara.

Segundo un estudo realizado polo psicólogo Richard Wiseman, só o 12% das persoas consegue o que se propón cada vez que o calendario sinala o inicio dun novo ano. Esperamos que ti formes parte desa cifra e que este 2017 se cumpran todos os teus propósitos. E se precisas equipación deportiva, en As Cancelas atoparás todo o que necesites!