Os imprescindibles da túa maleta para este verán
Aínda non tiveches ocasión de ir de vacacións este verán? Non te preocupes, hoxe comeza unha ponte de tres días que en Santiago alargarase ata o martes, momento ideal para organizar unha escapada e desconectar á vez que gozas do bo tempo que nos está a brindar este mes de agosto.
Catro días por diante para gozar da praia, da montaña, doutras cidades, do pobo, da familia, dos amigos ou simplemente para escapar da rutina. Ponte á procura de destino, porque coa maleta xa te axudamos nós. Hoxe no blog de As Cancelas dámosvos unha serie de consellos e facemos un repaso da lista de imprescindibles para unha fin de semana perfecta. Colle papel e boli porque, comezamos!
Co destino escollido, o primeiro que debes facer é consultar a previsión do tempo para evitar encher a maleta de ‘por se acasos’. Aínda que o tempo sempre pode dar algunha sorpresa, a previsión meteorolóxica axudarache a prescindir de extras innecesarios.
Se vas a viaxar en avión tes que estar ao tanto da normativa que regula as cuestións relativas á equipaxe de man. Os líquidos deben ir en envases individuais de capacidade non superior a 100 ml. contidos á súa vez nunha bolsa de plástico transparente con sistema de apertura/peche e de capacidade non superior a 1 litro. En Paco Martínez podes atopar o neceser de viaxe que cumpre estes criterios.
Respecto ás dimensións da maleta de cabina, varían en función da aeroliña coa que voes. O noso consello é que te fagas cunha maleta que cumpra os requisitos de tamaño máis estritos, porque así servirache para todas as compañías aéreas. A da imaxe, cunhas medidas de 54X38X20 cm, adáptase ás esixencias das compañías low cost. É de Paco Martínez.
Para non levar máis do peso do necesario, fai unha lista de que realmente necesitas. Nestes momentos do ano, nesa lista non poden faltar un sombreiro e unhas lentes para protexerse do sol. O borsalino con cinta de raias é de H&M e as lentes de sol de última tendencia pola súa forma redonda e o seu cristal azul son de Alain Afflelou. E que son unhas vacacións se despois non podes ensinarlles as fotos os teus achegados? Coa cámara de acción Rollei de Game poderás filmar para o recordo as aventuras máis intrépidas, ata debaixo da auga.
Opta ser práctico e elixe aquelas pezas que resulten máis versátiles, como este vestido vaqueiro de Esprit, que cunhas zapatillas é ideal para percorrer todas as rúas do teu destino, e cunhas sandalias darache un toque máis chic para saír a cear. Combínao cun dos clásicos de Adidas, o modelo Gazelle, que vestirá os teus pés con comodidade e estilo. Coa batería de móbil portátil de Mr Wonderful, que poderás atopar en Phone House, non terás que preocuparte de se hai ou non enchufes na túa ruta de turismo.
Se te decantas pola praia, aproveita para ler algún dos últimos best sellers do momento que teñen en Carrefour, como ‘La luz que no puedes ver’, obra do norteamericano Anthony Doerr, premio Pulitzer de Ficción 2015. Non esquezas o importante que é protexer a túa pel dos raios solares. Para evitar queimaduras recomendámosche o protector solar en spray resistente á auga de La Roche Posay. É de fácil aplicación e telo na tenda de perfumería e cosmética Arenal. O abanico para combater o calor é de Natura, e as alpargatas navy de cordóns son de Krack.
Para as noites de festa, decantámonos por dúas das tendencias da tempada, o off-shoulder (ou o que é o mesmo, os ombreiros ao descuberto) e as bailarinas con cordóns. En Primark atoparás a camisa de raias brancas e azuis, que xunto cos shorts kaki de Stradivarius e as bailarinas douradas de Zara convértense no outfit perfecto. Non te esquezas do pau selfie para inmortalizar os teus mellores momentos cando non leves o teu cámara de fotos encima. En Natura dispoñen de varios modelos con distintos deseños.
Se saes fóra de España, é moi probable que alá onde vaias non haxa persianas. Ao estar afeitas ao seu uso, son moitas as persoas que son incapaces de durmir se non reina unha profunda escuridade. Con este divertido anteface de Oysho arranxarás o problema e durmirás como un bebé. Para lucir estupenda ata nos brazos de Morfeo, combina o anteface con este camisón de algodón e encaixe, tamén de Oysho. Antes de deitarte, recorda limpar o teu rostro de impurezas e de restos de maquillaxe para que a túa pel poida rexenerarse durante a noite. Coas toalliñas de limpeza fácil de Kiko será coser e cantar.
Ata aquí a nosa lista de imprescindibles para gozar dunha escapada, que poderás atopar nas tendas de As Cancelas. Bon voyage!