Leccións de estilo para días de choiva
Logo dun comezo de outono de días de sol e temperaturas agradables, parece que co mes de novembro podemos dar por inaugurada a tempada de choivas en Galicia. En Santiago, que se coloca ano tras ano no podio das cidades máis chuviosas de España, falar de precipitacións é como falar da catedral ou dos peregrinos, é falar dun dos trazos máis característicos da cidade. Tendo en conta que a auga acompáñanos de media durante máis de 100 días ao ano, paraugas, chuvasqueiros e botas de auga convértense en fieis compañeiros durante a tempada de outono e inverno, por iso, hoxe no blog de As Cancelas repasamos os mellores looks a proba de chuvieiras.
Kate Moss, Taylor Swift, Poppy Delevingne.
Ata fai uns anos, as botas de auga utilizábanse exclusivamente como calzado de traballo, pero grazas á natureza do chan dos festivais de música do momento, como Coachella, saltaron ao rodo das tendencias da man das celebrities. Seguro que todo o mundo recorda a imaxe de Kate Moss coas botas cheas de barro gozando dos seus grupos favoritos en Glastonbury. Corría o ano 2005, e como todo o que toca Kate, converteuse en tendencia, á que se rendeu todo o universo fashionista e que a día de hoxe perdura como un básico de armario para os días de choiva.
Lovely Pepa, Atlantic Pacific, Alessandra Ambrosio.
Aínda que son moitas as marcas que as comercializan, Hunter reina de xeito indiscutible nos armarios de medio mundo co modelo Wellington. E é que se adaptan a calquera look: pantalóns, saias, vestidos, shorts… As combinacións son tantas como tan lonxe chegue a túa imaxinación. Con medias tupidas e vestidos non fallan. Engádelles uns calcetíns de la ao xeonllo e consegue un look do máis quentiño e orixinal.
Paula Echevarría, Gisele Bündchen, Liv Tyler.
Bloggers e influencers colecciónanas a pares en distintas cores e estampados, aínda que se o orzamento é limitado o ideal é decantarse por unhas de cor lisa e neutra como o negro, o azul mariño ou o verde. Aínda que poidan parecer un calzado sport, tamén funcionan con pezas sofisticadas e femininas. Se non o cres, bota unha ollada aos looks que a estadounidense Blair Eadie comparte no seu blog Atlantic Pacific. Simplemente perfectos!
Atlantic Pacific, Collage Vintage, Atlantic Pacific.
As de cana baixa ou tipo botín Chelsea con goma aos lados tamén son unha boa opción para resgardar os nosos pés dos nubarróns. Ficha o estilo de Alexa Chung, sen medias e con vestido curto, xenial para a tempada de entretempo.
100 Vestidos, Alexa Chung, Sarah Jessica Parker.
Os mozos non ían ser menos e tamén se apuntan á tendencia estrela da tempada de choivas, como os protagonistas da famosa serie Gossip Girl, que non dubidan en calzarse as súas botas de auga para protexerse da neve e da auga durante as rodaxes.
Ed Westwick, Sneak Peak, Daniel Randolph.
E por suposto, os pequenos da casa, que esperan con ilusión a caída das primeiras pingas para poder xogar a saltar os charcos, e se ademais o fan con papá e mamá, mellor que mellor.
Con Botas de Agua, Barefoot Blonde, Sarah Jessica Parker.
A parte do calzado, nos paraugas, o outro compañeiro indispensable para combater os chuvascos, tamén existen as tendencias e as modas. Os de plástico transparente e con forma de cogomelo causan furor, e é que ademais de ser bonitos, teñen o seu parte de funcionalidade, xa que che permiten ver a través deles, evitando así tropezar co resto de viandantes.
Atlantic Pacific, Paula Echevarría, Leighton Meester.
Como non podemos controlar a meteoroloxía para que en Santiago chova menos, queremos axudarche a que afrontes con estilo a tempada de precipitacións, por iso no blog de As Cancelas traémosche un súper sorteo dun ‘Kit para combater a choiva’ composto por unhas botas de auga Hunter e un marabilloso paraugas transparente.
Para participar só ha que:
- Ser seguidor de As Cancelas en Facebook, Twitter ou Instagram.
- Encher o formulario na seguinte ligazón.
Tedes ata o martes 8 de novembro ás 23.59 horas para participar. Podes consultar as bases do sorteo aquí.
Moita sorte!