A importancia da lactación materna

Publicado o 5 de Agosto de 2016

Desde o ano 92 celébrase do 1 ao 7 de agosto en máis de 120 países a Semana Mundial da Lactación Materna, instaurada oficialmente pola OMS (Organización Mundial da Saúde) e UNICEF, e que este ano ten como lema ‘Lactación Materna, clave para o desenvolvemento sostible’.

LOGO-SMLM-2016_es

A celebración desta semana vén motivada polo descenso do número de nenos alimentados con leite materna durante as últimas décadas. A longa xornada laboral, a incompatibilidade de horarios ou a dificultade para a conciliación, son algúns dos factores que propician esta situación, na que moitas nais vense obrigadas a substituír o peito polo biberón para seguir co ritmo de vida que tiñan antes de dar a luz.

E é que a defensa do dereito á lactación materna non se trata dunha moda puntual, senón que é un tema de saúde. Son moitos os estudos científicos que corroboran que o leite materno é o mellor alimento para os recentemente nados, e os seus beneficios van máis aló do nutricional, xa que actúa como regulador de temperatura, e como escudo contra infeccións e alerxias, entre outras vantaxes para a saúde do bebé.

untitled-1giselebebe(Fonte: Instagram Gisele Bundchen @gisele).

Durante o pasado ano, actrices e modelos de todo o mundo utilizaron a popular rede social Instagram para mostrarse antes as súas lexións de seguidores a favor da lactación materna en público, despois de que moitas mulleres denunciasen ser discriminadas por dar de mamar aos seus fillos en parques, autobuses, tendas ou restaurantes.

natalia_vodianova_651_544x(Fonte: Instagram Natalia Vodianova @natasupernova).

Gisele Bündchen, Miranda Kerr, Natalia Vodianova, Blake Lively ou Douzten Kroes son só algunhas das mulleres e nais que optaron pola lactación materna malia o seu frenético ritmo laboral, e que ademais mostrárono ao mundo para reivindicar a importancia de alimentar aos seus fillos de forma natural.

En As Cancelas tamén queremos poñer o noso gran de area nesta causa, por iso, dispomos de dúas completas salas de lactación para que todas as mamás que nos visiten dispoñan dun espazo cómodo e confortable para dar para comer aos máis pequenos da casa.

IMG_4575

Situadas, unha na planta 2, a carón do Club de Celi, e a outra na planta 1, na zona de acceso aos aseos, as salas de lactación contan con todas as comodidades para mellorar a experiencia das familias que visitan o centro comercial, como un microondas, un quenta-biberóns, un cambiador de cueiros, un sofá de lactación, unha mesa de xogos e un lavabo.

Sala Lactancia 1

Cando veñas co teu bebé por As Cancelas, non dubides en utilizar as nosas salas de lactación, estaremos encantados de poder facer a túa visita máis cómoda.