Decoración de nadal: as nosas propostas para poñer a casa a punto

Publicado o 13 de Novembro de 2020

Abusaremos de exclamacións neste post queridos lectores, xa que, énchenos de orgullo e satisfacción anunciar, mesmo mais que a  Mariah  Carey, a chegada da época do Nadal! Se es do noso  team e amas todo o que ten que ver coas luces,  árbores, cousas con  brillantina, decoracións e  figuriñas do Nadal adorables, este é o teu post! Aínda que fomos deixando tips para estar abrigado este outono no blog, xa é hora de que tamén “abriguemos” o noso fogar e fagámolo  súper acolledor para recibir estas festas.

Se es das persoas que só pon a árbore e aí queda ata xaneiro (ou mesmo febreiro se a preguiza aprema), só dicirche que, por mor de lernos, entraranche unhas ganas tolas de montar na túa casa unha obra ao máis puro estilo  rococó do Nadal. Desde o blog de  As Cancelas, só dicirvos unha cousa: encántanos esta época do ano e fixemos unha recompilación dos nosos artigos favoritos para darlle ese toque especial ao teu fogar durante estas datas tan sinaladas.  Agardamos que vos gusten!

Coroas de Nadal

Se a entrada da túa casa non desprende espírito do Nadal, que o fará? A importancia de decorar a porta principal do teu fogar é incuestionable. Unha coroa bonita chea de cor e bólas do Nadal é unha gran opción, e, ademais de dar a benvida ás festas, fai do teu fogar un sitio moito máis acolledor.

Decoración da árbore

Cronoloxicamente falando, é un elemento que xera moita controversia. E é que, realmente, cando se monta a árbore? O teu amigo o do quinto móntao unha semana antes de Noiteboa, a túa irmá móntao a primeira semana de novembro e as tendas do teu barrio levan tendo a árbore no escaparate desde outubro. Tanto se é en decembro ou en setembro, unha boa árbore necesita uns bos adornos, e velaquí a nosa selección!

Detalles de interior

Non dicían que a beleza está no interior? Entón que non se nos esqueza telo ben decorado con estes  detalliños festivos que, ademais de beleza, achegarán luz e calor ao teu fogar.

Luces de Nadal

E, por último, que sería un Nadal sen luces de cores por todas partes? É a época do ano no que máis variedade de luces podes atopar no mercado, e se sodes fans das grilandas, pois mais do mesmo. Tanto se só  as pos en Nadal coma se as pos todo o ano, aproveita e faiche coas que máis che gusten antes de que se rematen!