Actividades divertidas para facer con nenos en vacacións
Tras nove meses de esforzo e aprendizaxe durante o curso escolar, chegan as ansiadas vacacións de verán nas que os nenos esquécense de madrugar, de libros e de deberes ata setembro. Para eles é un tempo moi especial, non só porque poden gozar de horas de praia e piscina, de campamentos ou de viaxes, senón porque durante estes dous meses, poden pasar máis tempo en familia, tanto con pais ou irmáns, como con avós e curmáns que ven de forma menos habitual.
En moitos casos, sobre todo cando o tempo non acompaña, notamos que o aburrimento comeza a afectar aos máis cativos da casa. Hoxe no blog de As Cancelas traémosvos unha selección de xogos e actividades para pasar intres do máis entretidos en familia e que axuden a gozar dun verán inesquecible.
Comezamos cunha proposta ideal para gozar das agradables temperaturas exteriores: un parchís xigante, perfecto para xogar ata catro persoas ou grupos e estimular o desenvolvemento da intelixencia lóxico-matemática. Este é de Imaginarium e trae un dado inchable e 4 piquetas para fixar o taboleiro en chans brandos.
Para os máis inquedos, un saltador inchable é a mellor forma para divertirse á vez que liberan enerxía. Está recomendado para nenos a partir de 3 anos e pensado para colocarse tanto en zonas exteriores, como xardíns, ou interiores. Podes atopalos na xoguetería Centroxogo.
Nos días máis calorosos, as competicións de globos de auga farán as delicias de maiores e cativos, sobre todo, se contamos con axuda para a ardua tarefa da enchedura dos globos. En Imaginarium teñen un xogo de tres ramalletes que permite encher e atar 100 globos á vez en 60 segundos. Que comece a guerra máis refrescante!
Os cativos que cumpren anos no verán están de sorte, xa que celebrar unha festa ao aire libre multiplica as posibilidades de diversión. E é que malia os adiantos tecnolóxicos que supoñen os videoxogos e demais, os xogos de toda a vida seguen a triunfar. Co set de xogos ao aire libre de Imaginarium, promóvese a diversión en grupo e a competición sa a través das clásicas carreiras de sacos, de pernas atadas, de bolsas, de culleres e ovos.
Ademais da parte lúdica, unha gran festa de aniversario conta sempre cunha gran merenda, e se é temática, mellor. En Party Fiesta poderás atopar todos os accesorios necesarios, dende vasos, pratos, panos de mesa, invitacións, globos ou piñatas, sempre personalizados cos personaxes favoritos dos nenos como Frozen, Angry Birds, A Patrulla Canina, Buscando a Dory ou Peppa Pig, entre outros.
Cando o tempo non acompaña, tamén existen multitude de entretidas actividades para pasalo en grande só, con amigos ou con familia, e ademais, á vez que aprenden cousas novas. A partir de 6 anos, é a idade ideal para que os nenos tomen conciencia do tempo e aprendan a función que realizan os reloxos. En Imaginarium atopamos un kit para construír o teu propio reloxo, co que seguindo as instrucións, e coa axuda dun adulto, pódese poñer un reloxo en marcha e ver como funciona o seu mecanismo interior.
Para os apaixonados dos crebacabezas, construír en 3D o estadio do seu equipo de fútbol favorito será pan comido. O emblemático Santiago Bernabéu, o Camp Nou ou o Vicente Calderón son só algunhas das réplicas que poden montar. Están recomendados para nenos a partir de 7 anos, e téñenos en Centroxogo.
Los máis creativos pasarano en grande cos distintos kits de manualidades que hai en Imaginarium, dende libros de manualidades temáticas como ‘Ciencia divertida’, ata sets de costura e para facer pulseiras. En concreto, o set de costura da imaxe contén fíos, teas, recheo, dedal, agullas, metro, alfinetes, tesoiras, botóns, pasamanería e porta alfinetes, ademais duns consellos básicos para que poidan idear as súas propias creacións. É ideal para que os afeccionados a este labor vaian collendo soltura e familiarizándose cos utensilios, antes de dar un paso máis e aprender a utilizar unha máquina de coser.
Axudar na cociña é outra das tarefas que lles encanta, xa que se senten maiores e involucrados en tarefas de responsabilidade. Para traballar cos benxamíns da casa, esta fábrica de gofres de Centroxogo é perfecta, xa que só necesitas utilizar o microondas para gozar duns deliciosos doces. Ademais inclúe un fundidor de chocolate para decoralos.
Para estimular a curiosidade e o espírito científico e investigador destacamos o kit de química educativo de Imaginarium, co que poderán crear estalactitas, torres de escuma, explosións de cores e escribir mensaxes secretas. Inclúe un libro educativo, lentes protectoras, tubos de ensaio, filtros, globos, papel pH, vasos de medición, pipetas de Pasteur e espátulas, para tomar contacto co apaixonante mundo da ciencia e os experimentos.
Con esta lista de xogos e actividades, seguro que o verán pasará voando, tanto aos nenos como aos pais, pero sobre todo, seguro que quedará gravado no recordo de todos por ser inesquecible.