5 receitas moi frescas coas que te chuparás os dedos

Publicado o 26 de Xullo de 2019

O verán e a calor invítannos a tomar pratos lixeiros e moi fresquiños. Carnes en frío, ensaladas de pasta, patatas ou verduras, cremas vexetais ou pescados son receitas moi socorridas. A súa gran ventaxa é que poden ser preparados con antelación, o que nos aporta máis tempo libre para desfrutar dun día de praia ou de excursión.

Hoxe no blog de As Cancelas puxémonos mans á obra: preparámosvos unha guía de 5 receitas de verán para toda ocasión: dende a receita de verán por definición, as ensaladas, ata outras máis especiais para que leves a onde máis che apeteza. Deixámosvos da man de Fabián León e as súas receitas para Carrefour.

Bowl de arroz basmati con polo e aguacate

Este bowl é unha receita moi doada, fresca e nutritiva que nos aportará toda a enerxía que precisamos para estar activos durante todo o día. Para que un bowl sexa completo, é moi importante ter clara a estrutura. Na base colócanse os hidratos de carbono, que neste caso é o arroz basmati. Despois, ponse a proteína, que pode ser de orixe animal ou vexetal: neste caso engadimos polo, pero podes engadir atún, lentellas ou espinacas. E, por último, quédanos o vexetal, nesta ocasión escollemos aguacate. E listo!

Tartar de tomate, pavo e framboesas

Se organizaches unha cea de picoteo na túa casa, esta receita é perfecta para ti. Trátase dun tartar de tomate, pavo e framboesas. Só tes que cortar tomates e framboesas e empratar xunto coa peituga de pavo ao natural. Esta última podes mercala directamente en lata e resulta moi útil para este tipo de receitas así como para ensaladas, sándwiches, fajitas ou croquetas. Seguro que os teus invitados quedan coa boca aberta.

Ensalada de cogombro, bacallau desalgado e fabas

Esta receita está adicada a todos aqueles que non incorporan habitualmente legumes na súa dieta. Consiste nunha ensalada de cogombro, bacallau desalgado e fabas. Esta ensalada é unha receita fresca, con vitamina C, potasio, calcio e grasas boas para o organismo. É rica en proteínas, contén moita fibra e é moito menos calórica que un cocido tradicional.

A comer!

Ensalada de arroz, quinoa e atún

Xa que as ensaladas son ideais para comer en verán, traémosche outra receita: unha ensalada de arroz, quinoa e atún. O arroz integral con quinoa vermella é unha fonte sana de fibra e se pode preparar rápida e fácilmente no microondas. Se lle engadimos atún claro en aceite de oliva, lograremos conseguir as proteínas necesarias para superar con enerxía o noso día a día. Incorporar pescado á nosa dieta nunca foi tan doado.

Fritatta con verduras e ovos campeiros

Fabián León trae unha solución perfecta para aproveitar as verduras que tes na neveira con esta fantástica receita. É unha alternativa sana e sabrosa para calquer comida ou cea. Esta vez, utilizou calabacín, espinacas, tomates cherry e pimentos vermellos, pero ti podes utilizar as verduras que queiras.