Volve o gran casting de As Cancelas
En abril volve ao centro comercial por segundo ano consecutivo Xeración As Cancelas, o gran casting que organizamos para elixir aos protagonistas das nosas próximas campañas publicitarias. O prazo de inscrición comezará o próximo 29 de marzo para os aspirantes nas dúas categorías existentes: adultos (de 16 a 35 anos) e infantil (de 4 a 12 anos). A inscrición, gratuíta e aberta a non profesionais, poderá facerse na propia web de As Cancelas ou de forma presencial no punto de información do centro comercial.
Os castings terán lugar os días 22 de abril (adultos) e 22 de abril (nenos) e as galas para elixir aos gañadores serán o 29 de abril, na categoría infantil, e o 13 de maio na de adultos. Ambas as galas contarán con música, actividades e sorpresas para todos os asistentes. Se che apaixona o mundo da moda, apúntate!