Ven a As Cancelas a recoller o teu dorsal para a Ruta dos Parques

A Federación Galega de Atletismo volve á carga cunha nova proba dentro do Circuito de Carreiras Saúdables CorreSan, unha iniciativa organizada en colaboración co Concello de Santiago. O próximo 18 de febreiro levarase a cabo a carreira Ruta dos Parques, que sairá desde a Cidade da Cultura ata o Parque Eugenio Granell, pasando polo Bosque de Galicia e o Paseo Fluvial do Sar.

Desde As Cancelas seguimos apoiando o deporte local e por iso, unha vez máis convertémonos en punto de recollida dos dorsais para a CorreSan – Ruta dos Parques. Se necesitas recoller o teu, achégate ao stand que estará situado ao lado do noso Punto de Atención ao Cliente o venres 17 de febreiro en horario de 17 a 21h.

E, moi importante, se aínda non te apuntaches á Ruta dos Parques temos boas noticias: estás a tempo! Podes facelo a través deste enlace, pero recorda: as inscricións pechan o mércores 15 de febreiro ás 23:59h.