Semana do libro: do 18 ao 23 de abril, plans mil

O próximo 23 de abril conmemórase o Día do Libro, e desde As Cancelas celebrámolo cunha completa programación de actividades en liña co noso compromiso coa cultura e a educación. Descontos, promocións, agasallos, e actividades para os máis pequenos da casa. Segue lendo para descubrir todo o que temos preparado!

Para que actualices a túa biblioteca, ven do 18 ao 23 de abril ao noso hipermercado Carrefour e coñece as últimas estreas literarias que veñen pisando forte para converterse en bestsellers. Pola compra de 10€ en libros, poderás levarche un boneco Funko por só 6,99€. Pero iso non é todo, porque o sábado 23 de abril, poderasche levar os teus títulos favoritos cun 10% de desconto.

Especialmente pensada para os lectores máis novos, do 19 ao 23 de abril, acolleremos unha gran exposición sobre ‘Los futbolísimos’, a famosa colección de libros sobre fútbol e misterio protagonizada polo Soto Alto Fútbol Club. A exposición constará de 19 portadas xigantes cos mellores títulos da saga, escrita por Roberto Santiago e ilustrada por Enrique Lorenzo, que se converteu nunha das lecturas favoritas dos nenos e nenas pola súa calidade literaria e o seu contido en valores como o traballo en equipo, a tolerancia e o esforzo.

Para que os peques da casa poidan poñer en práctica eses valores do mesmo xeito que Pakete, Camuñas, Angustias, Helena, Toni e os demais personaxes dos Futbolísimos, unímonos coa SD Compostela para organizar, o sábado 23 de abril, unha gran xornada lúdico-deportiva cun torneo de fútbol 3×3. Dirixido a nenos e nenas de categoría prebenjamín (nacidos en 2014-2015), levará a cabo no aparcadoiro exterior da área comercial de 16.00 a 20.00 horas. A inscrición xa se atopa aberta na web do club e pecharase cando se inscriban os 16 equipos previstos. A actividade non está dirixida exclusivamente a clubs, senón tamén a grupos de amigos que queiran gozar dunha tarde de fútbol e diversión. Quen se apunta?

O colofón a esta semana centrada na lectura, chegará o sábado 23 de abril coa inauguración da nova biblioteca en galego para nenos, que completará a oferta infantil da Casa de Celi. Xusto á beira da casiña da nosa querida mascota, instalaremos unha zona de lectura onde os nosos pequenos visitantes poderán perderse entre as páxinas dos mellores títulos infantís da literatura galega. Ás 12 horas inauguraremos este espazo, que permanecerá aberto todos os días da semana, para que os peques visíteno sempre que queiran.

Agardámosvos!