Recolle o teu dorsal para a San Silvestre en As Cancelas

Temos a fórmula perfecta para rematar o 2023 por todo o alto: participar na carreira San Silvestre de Santiago, que terá lugar o domingo 31 de decembro ás 17h, e que, coma sempre, está organizada polo Concello de Santiago de Compostela e a Federación Galega de Atletismo.

Como nos últimos anos, desde As Cancelas sumámosnos a esta iniciativa deportiva convertíndonos no punto de recollida de dorsais para a carreira. Os días 29, 30 e 31 de decembro, todos os participantes poderán pasarse polo centro comercial a recoller o seu kit do corredor para esta última carreira do ano.

Estes son os horarios nos que o punto de recollida estará operativo:

• Venres 29 de decembro, de 16 a 20:30h
• Sábado 30 de decembro, de 11 a 20:30h
• Domingo 31 de decembro, de 11 a 16h

Se aínda non te inscribiches na carreira, recorda que poderás facelo nesta ligazón antes do martes 26 de decembro ás 23:59h.

Non esquezas o gorro de Papá Noel e… a correr!