Olimpíadas galegas en As Cancelas

En As Cancelas adiantámonos aos Xogos Olímpicos de Río de Janeiro e organizamos o próximo día 11 de xuño, as Olimpíadas Galegas. A chave, ou tirafungueiro, a billarda, o varapao, carreiras de mazarocas… e ata vinte xogos populares de Galicia para grandes e pequenos da man do Museo Etnolúdico de Galicia (MELGA) que nos ensinará, ademais, xoguetes e xogos de todo o mundo.

Ven comprobar que os xogos e deportes dos nosos pais e avós seguen sendo tan entretidos e competitivos coma sempre. Todos os participantes que completen o circuíto terán un agasallo e a nosa particular Olimpíada estará animada pola música e os bailes da Agrupación Folclórica Ximiela. Non o podes perder!

Consulta o programa e mapa de actividades aquí.