Limpamos o río Ulla polo World Cleanup Day!

Voluntarios e voluntarias de máis de 190 países daranse cita o próximo 16 de setembro para conmemorar o World Cleanup Day retirando lixo dos espazos naturais de todo o planeta.

Como cada ano, desde As Cancelas sumámosnos tamén a esta iniciativa organizando, da man da Asociación AMABUL, unha xornada de limpeza dunha das paisaxes máis reprensentativas da comarca: o río Ulla. O sábado 16 de setembro, desde as 10 ás 13h, estades todos convidados a botar unha man aos voluntarios e voluntarias de AMABUL a limpar a fondo este espazo natural.

Todos e todas os que queiran participar nesta acción solidaria, deberán inscribirse previamente na páxina web da entidade: www.amabul.org.

Agardámosvos a todos!