Levi´s e JD Sports, próximamente en As Cancelas
Ao longo do mes de marzo, abrirán as súas portas en As Cancelas as tendas de Levi´s e JD Sports, as últimas marcas de carácter internacional que se incorporan á oferta comercial do centro.
A nova tenda Levi’s, a mítica marca de roupa norteamericana que leva vendendo os seus lendarios pantalóns e chaquetas desde 1873, ocupará un local de 129m2 na primeira planta de As Cancelas, onde ofrecerá aos nosos visitantes os seus xa icónicos 501 -os pantalóns que levaron xeracións de estrelas desde Marilyn Monroe a George Clooney- ademais de novas liñas de roupa casual de calidade e moitas posibilidades de customización das pezas.
Pola súa banda, a cadea británica JDSports, fundada en Gran Bretaña en 1981 e que conta con 900 tendas en toda Europa dedicadas á venda de calzado deportivo e de roupa de lecer e deporte, abrirá un gran establecemento de 384m2 tamén na primeira planta, que acollerá marcas como Nike, Adidas, New Balance, Reebok, Puma, Vans ou Converse.