Letras Galegas con Celi
A mascota das Cancelas visita de novo centros escolares de Santiago acompañado de Pere Tobaruela, escritor e contacontos que plasmou as aventuras do simpático extraterrestre en Celi, camiño dás estrelas.
O domingo día 15, Celi tamén regalará libros aos participantes do circuíto infantil da Carreira Camiño das Letras Galegas.
A partir de mañá, xoves 12 de maio, o Club de Celi das Cancelas celebra o Día dás Letras Galegas cos nenos e nenas de Santiago e a súa área metropolitana. Celi, a mascota do centro comercial, regalará en varios centros escolares 1.500 exemplares de Celi, camiño dás estrelas, o libro que conta as aventuras do simpático extraterrestre.
A mascota do centro comercial estará acompañado de Pere Tobaruela, autor da obra e recoñecido escritor de literatura infantil e xuvenil con máis de cincuenta obras publicadas en castelán, catalán e galego. Tobaruela é, ademais, un excelente contacontos que relatará as súas historias aos pequenos.
Celi e Tobaruela visitarán, o xoves e o venres, o CEIP Monte dos Postes, a Escola infantil Xirandola, o Colexio da Milagrosa, e Colexio Infantil de Milladoiro para contar contos aos nenos e nenas e regalarlles libros.
Ademais, o vindeiro domingo, Celi tamén regalará o seu libro aos participantes no circuíto infantil da Carreira Camiño dás Letras Galegas, que se celebrará a partir das 11.30 nos arredores do estadio de San Lázaro.
?Celi xa saíu das Cancelas para atoparse cos seus amigo o pasado Día do Libro e foi unha experiencia moi positiva que esperamos repetir e ampliar a máis centros escolares de Santiago e a súa área de influencia?, sinala o xerente das Cancelas, Javier Casado, quen subliñou que As Cancelas seguirá promovendo con iniciativas como esta o fomento da lectura entre os pequenos socios do Club de Celi.