Ilunion As Cancelas é o teu quiosco en Santiago
As Cancelas é un centro comercial que dispón dunha ampla variedade de tendas nas categorías de moda home, moda muller, moda infantil, restaurantes, cafeterías, cervecerías, complementos, óptica, electrónica, alimentación, agasallos, etc. Que é o que lle faltaba ás Cancelas? Pois un quiosco integrado dentro da oferta comercial, é dicir, un espazo onde ler as novidades que saen cada mes e cada semana das principais publicacións. Este sitio xa é unha realidade desde a súa inauguración a principios deste ano.
Moitos usuarios do Centro Comercial As Cancelas esperaban a chegada dun posto de venda de xornais e revistas para poder comprar durante a súa estancia en Santiago de Compostela a prensa diaria e tamén os semanarios e outras publicacións de diversa periodicidade. A comezos do presente 2015 chegou ás Cancelas o establecemento Ilunion, un quiosco que forma parte da iniciativa empresarial de ONCE e a súa fundación. Aquí vas atopar o teu xornal favorito ou esa revista que tanto che gusta. O mellor de todo é que podes facelo sen saír das Cancelas e coa comodidade de poder facer as túas compras nun mesmo espazo.
Ilunion está presente en moitos sectores de actividade empresarial (en concreto, en cinco divisións: servizos integrais, sociosanitaria, consultoría, viaxes, turismo e lecer, e comercialización) e dispón de máis de 50 liñas de negocio. Ademais, Ilunion ten unha importante visión social, xa que combina a estratexia empresarial coa integración social. Deste xeito, búscase o equilibrio entre os seus valores económicos e sociais.
No centro comercial As Cancelas, Ilunion ofréceche periódicos, revistas e artigos de quiosco, mellorando deste xeito a nosa oferta e estando máis preto de ti. Imos, que se buscas un lugar en Santiago de Compostela que che ofreza todo o bo dun quiosco, nas Cancelas telo. Podes atopar Ilunion na planta 1 do centro comercial.
Esperámoste en As Cancelas.
