Gran Gala Xeración Kids As Cancelas
O vindeiro sábado 23 de abril, na segunda planta do Centro Comercial As Cancelas, en Santiago de Compostela, imos celebrar a Gran Gala Xeración Kids As Cancelas ao grande.
Un sorprendente desfile infantil acompañado de actuacións, espectáculos, actividades, circo, maxia, música en directo e moitas sorpresas máis.
Tras os concorridos castings celebrados nas primeiras semanas de abril, aos que se presentaron máis de 1.800 candidatos entre adultos e nenos, chegou o momento de elixir os gañadores do concurso ?Xeración As Cancelas?. Mañá, sábado 23 de abril, ás 18.00 horas, o centro comercial líder de Santiago e a súa área metropolitana ha organizado unha gran gala para elixir os gañadores. De entre os 42 finalistas, un xurado profesional elixirá a un neno e unha nena que serán a imaxe de futuras campañas publicitarias das Cancelas e que gañarán, ademais, un curso de modelo profesional na axencia Luena, a oportunidade de realizar un book fotográfico coa axencia Filmate e un vale de 200 euros para compras no centro comercial.
A gala, presentada pola cantante Débora Silva e o locutor de 40 principais Paulo Regueiro, vai ser unha gran festa para todos os que queiran acompañar aos pequenos aspirantes. Os 42 finalistas -21 nenos e 21 nenas de entre 4 e 12 anos- realizarán un primeiro desfile con roupa casual dos establecementos Carrefour, Sport Zone, Primark, e C&A e calzado das tendas Merkal, Deichmann e Tino González. Os pequenos tamén lucirán sobre a pasarela maletas e complementos de viaxe da firma Paco Martínez.
Un xurado profesional de seis membros, no que hai un representante das Cancelas e expertos do mundo da moda e a imaxe, elixirán aos 20 finalistas que pasarán á segunda fase da que sairán os dous gañadores, neno e nena, e os premiados con algún dos 12 accésits: primeiro finalista, segundo finalista, premio á elegancia, premio á simpatía, premio ao mellor sorriso e premio á fotogenia.
Entre a primeira e a segunda fase, e antes da entrega final de premios, a gala converterase nunha gran festa con actuacións para todos os públicos. Haberá un espectáculo de maxia musical co Mago Noel, as cancións de Alvarito Church e Carla Rey, unha exhibición da bailarina Priscila Dance e dous espectaculares números de circo: malabares luminosos e acrobacias a cargo de Johanna Hesse. O DJ Fisis poñerá música durante toda a gala.
Ademais, durante a deliberación do xurado realizarase o sorteo entre todos os nenos e nenas que participaron no casting dun vale de 200 euros para gastar en calquera das tendas do centro comercial.