Este Mundial proba o chutómetro de Celi

España xa está participando no Mundial de Fútbol de Rusia e desde o Club de Celi sumámonos ao apoio á Selección coa instalación dun impresionante chutómetro na planta primeira do Centro Comercial, que funcionará do venres 22 de xuño ao 14 de xullo. Anímaste a probalo? Todos os nenos e nenas que queiran medir a súa habilidade como pichichis poderán facelo en horario de 18:00 a 21:00 horas de luns a venres e en horario de mañá e tarde -de 12:00 a 14:00 e de 18:00 a 21:00 horas- os sábados. O domingo 1 de xullo todas as tendas do Centro Comercial abrirán para estrear as rebaixas de verán e o chutómetro estará tamén en funcionamento en horario de mañá e tarde.

A actividade é gratuita para os socios do Club de Celi e os nenos e nenas que non estean inscritos no Club poderán facelo en calquera momento e totalmente gratis tanto no Centro Comercial como na web de As Cancelas. Ademais de pasalo en grande, só por participar levaranse a casa un estupendo agasallo.