Da a cara polo cancro infantil

Publicado o 13 de Febreiro de 2019

Este venres 15 de febreiro celébrase o Día Internacional do Cancro Infantil, co fin de concienciar sobre a importancia dos desafíos aos que se enfrontan os nenos que sofren este tipo de enfermidade, e para sensibilizar sobre a necesidade de que todos teñan acceso a un diagnóstico e tratamento preciso e a tempo. Desde As Cancelas queremos achegar o noso grao de area á causa, por iso organizamos os días 15 e 16 de febreiro un photocall solidario a favor de ASANOG.

Para participar, tan só debes sacar unha foto no noso photocall de planta baixa e subila ás túas redes sociais. Por cada foto subida os días 15 e 16 de febreiro, As Cancelas doará un euro á Asociación de Axuda a Nenos Oncolóxicos de Galicia (ASANOG) (ata un máximo de 2.500€). Unha vez realizada a foto, tan só tes que subila ás túas redes sociais seguinte estes sinxelos pasos.

Se participas desde FACEBOOK:

· Entra na nosa páxina www.facebook.es/ascancelas

· Pica na ligazón da campaña e sobe a túa foto cubrindo un sinxelo formulario.

Se participas desde TWITTER:

· Sobe a túa foto ao teu perfil de Twitter co hashtag # AsCancelasDandoLaCara

(O teu perfil debe ser público para que podamos ver a túa foto).

Se participas desde INSTAGRAM:

· Sobe a túa foto ao teu perfil de Instagram co hashtag # AsCancelasDandoLaCara e menciona a @ascancelas

(O teu perfil debe ser público para que podamos ver a túa foto).