Celi cumpre tres anos!

A nosa querida mascota cumpre o seu terceiro aniversario e, unha vez máis, quéreo celebrar ao grande con todos os seus amigos. Todos os nenos e nenas están invitados á gran festa que se celebrará o sábado 17 de setembro no centro comercial desde as 11 da mañá. Paintball láser, patinaxe, pista americana, inchables, bautismo hípico, obradoiros e ata 30 actividades gratuítas para pasar un día estupendo ao que poñerá o broche final, ás 20:30, a torta xigante de lambonadas para que todos cantemos o Aniversario Feliz ao noso extraterrestre favorito. Para participar só hai que ser membro do Club de Celi, unha inscrición totalmente gratuíta que pode facerse en calquera momento e ata o mesmo día da festa. Reserva a data!