Celebra o Día da Nai cunha receita para mamá

O Día da Nai está preto nos nosos calendarios. Unha xornada moi especial na que a nosa mamá é a protagonista indiscutible. Mais, tédelo todo preparado para celebrar este 2 de maio como se merece? Desde As Cancelas, queremos axudarche cos derradeiros preparativos para que ese día saia todo a pedir de boca, e para iso propoñémosche un plan moi especial. O mellor de todo? Pode ter premio!

Do 23 de abril ao 2 de maio, crea unha receita cos ingredientes que mellor representan á túa nai e entrarás no sorteo de 10 tarxetas regalo de 100€ para gastar en Carrefour. Para participar, tan só terás que cubrir o formulario que verás máis abaixo, elixir os teus ingredientes e… listo! Poderás enviar a túa receita personalizada á túa nai por correo electrónico ou compartila nas túas redes sociais para que todos os teus seguidores descubran o estupenda que é.