Volve a Festa do Cine ao CC As Cancelas
Queres aproveitar estes días para ver as mellores estreas de cine a un prezo súper reducido? Esta semana volve Ás Cancelas A Festa do Cine! Durante os días 3, 4 e 5 de maio, poderás mercar as túas entradas por só 3,50€. Para poder beneficiarte da promoción, debes acreditarte de xeito gratuito na web da Festa do Cine.
Aínda non sabes que película escoller? Non te preocupes, deixámosche unha recomendación das últimas películas en carteleira:
ANIMAIS FANTÁSTICOS: OS SECRETOS DE DUMBLEDORE
https://www.youtube.com/watch?v=ZfPlsOgawWY
Unha nova aventura creada por J.K. Rowling regresa á gran pantalla da man de Warner Bros. Pictures e dirixida por David Yates. A película conta cun reparto de luxo: o oscarizado Eddie Redmayne, Jude Law, dúas veces nomeado aos premios, Ezra Miller, Dan Fogler, Alison Sudol, Callum Turner, Jessica Williams, Katherine Waterson e Mads Mikkelsen.
O profesor Albus Dumbledore (Jude Law) sabe que o mago escuro Gellert Grindelwald (Mads Mikkelsen)ten plans para apoderarse do mundo máxico, polo que decide solicitar a axuda do Magizoólogo Newt Scamander (Eddie Redmayne) para dirixir un equipo de magos, bruxas e un intrépido panadeiro Muggle na perigosa misión de intentar detelo.
DOWNTON ABBEY: UNHA NOVA ERA
https://www.youtube.com/watch?v=LHZDzAq9yZ8
Esperadísimo regreso ao cine do fenómeno cinematográfico Downton Abbey, dirixida por Simon Curtis e con guión da man do creador Julian Fellowes, que reúne o reparto máis emblemático da coñecida serie.
Lady Grantham (Maggie Smith) acaba de herdar unha villa no sur de Francia e varios membros da familia deciden visitar a propiedade e tratar de coñecer a orixe desta extraña herdanza. Entrementes, en Yorkshire un estudo de cine elixe Downton como escenario para a rodaxe dunha película.
Sen dúbida, esta é unha gran opción para os fans da exitosa serie!
O XOGO DAS CHAVES
https://www.youtube.com/watch?v=Pa81NEHTDgE
Vicente Villanueva, director de Toc Toc regresa á comedia co ‘Xogo das Chaves’, un remake para o cine da serie mexicana no mesmo nome. Faino cun reparto protegonizado por Fernando Guallar, Eva Ugarte, Miren Ibarguren, Tamar Novas e Alina Nastase, entre outros.
Tres parellas de amigos atópanse cun antigo compañeiro de instituto e a súa moza Siena, influencer e millenial, que chegará para revolucionalos a todos. Propónlles xogar ao xogo das chaves: consiste en meter as súas chaves nunha cunca, escoller unha ao azar e pasar a noite co dono ou dona desa chave.
A CIDADE PERDIDA
https://www.youtube.com/watch?v=EIvwajM1ooE
Aaron Nee e Adam Nee dirixen a Sandra Bullock e Channing Tatum nesta comedia de acción, onde tamén atoparemos a Daniel Radcliffe e Brad Pitt.
Sandra Bullock da vida á brillante e arisca escritora de novelas románticas Loretta Sage, progatonizadas por un atractivo personaxe. Channing Tatum é Alan, o modelo encargado de protagonizar as portadas das novelas de Sage. Durante a xira promocional do seu novo libro, Loretta é secuestrada e Alan, ansioso de demostrar que non é só unha cara bonita e que pode ser un heroe tamén na vida real, vai ao rescate da escritora.
‘A cidade perdida’ promete transportar ao público dende o primeiro minuto a unha viaxe exótica e divertida que non defraudará a quen buscas evadirse e pasar un bo rato.
O SEGREDO DE VICKY
https://www.youtube.com/watch?v=FzsojieBqHs
‘O segredo de Vicky’, dirixida por Denis Imbert, é unha longametraxe inspirada nunha historia real que conta a historia de superación do proceso de dó a través da creación de novos vínculos afectivos.
Victoria (Shanna Keil) é unha nena de 8 años que se muda co seu pai Stéphane (Vincent Elbaz) a un pequeno pobo na montaña, tras perder á súa nai, para comezar unha nova vida. A nena deixaou de falar trala traxedia, pero recupera a ilusión cando un pastor lle regala un cachorro chamado Mystère. O problema é que, anque primeiro pensaban que tiñan un can, Mystère é unha cría de lobo, polo que vai ser perseguido polos aldeanos do lugar para defender aos seus rabaños.
A obra é apta para todos os públicos, polo que se presenta como unha das grandes opcións de ocio en familia nesta Gran Festa do Cine.
Xa tes escollida cal será a túa próxima cita no cine nestes días?
Lembra rexistrarte na promoción e…goza do mellor cine por 3,50 Euros!
