Ponlle cor ás túas unllas esta primavera!

Xa coñeces as tendencias en manicuras que máis veremos esta primavera? O cambio de estación chegou, e se cada ano por estas datas renovamos o armario… tamén o faremos coa cor das nosas unllas! Traémosche as novas tendencias para inspirarte… hai para todos os gustos!

A TODA COR

Se na primavera enchemos os nosos armarios de cor,  as nosas unllas deberán de ir a xogo. As cores neón e vivas recuperan o protagonismo, combinadas na mesma gama cromática ou con tonos neutros e facendo figuras xeométricas: círculos, raias, puntos…

MANICURA METALIZADA E CON DETALLES BRILLI-BRILLI

As unllas en tonos dourados e prateados son máxima tendencia. Un truco para utilizar estes tonos dun xeito mais discreto é aplicalos nun diseño de nail art, como unha flor, unha mariposa, un detalle de purpurina… Serán unha opción coa que triunfarás seguro.

MANICURA FRANCESA

Veremos as manicuras francesas en todas as súas versións: dende a clásica en tonos pastel e maquillaxe, ata en versións reinventadas. Atrévete a combinar tonos neutros con cores mais fortes, aplicándoos tanto na base da uña como na punta.

TONOS PASTEL

As grandes marcas tamén veñen de facer un guiño aos tonos pastel para esta temporada, incluindo tonos verdes, azuis, laranjas, amarelos ou rosas para as menos atrevidas.

Agora que xa coñeces as mellores propostas para colorear as túas unllas esta tempada, tes dúas opcións: facerte coas cores de tendencia nas nosas tendas ou se pintar as uñas non é o teu… tamén poderás reservar a túa cita en D-uñas ou en Nails Factory e ter unha pequena axuda 💅🤩