Festas en casa: o anfitrión perfecto

Publicado o 17 de Xullo de 2017

A todos nos encanta ser os perfectos anfitrións e invitar a casa aos nosos familiares e amigos. Non importa cal sexa a ocasión; un aniversario, unha cea de despedida, a chegada dun novo membro á familia, unha festa en casa sempre é un bo momento para reunirnos cos nosos, e si é en verán, mellor. Queres saber cales son os elementos imprescindibles que non poden faltar nunha festa ideal? Segue lendo, porque hoxe no blog de As Cancelas dámosche algunhas ideas para triunfar cos teus convidados.

Se te decantas por unha festa temática, o tema elixido debe ser o fío condutor de toda a festa, desde a vestimenta, a invitación e a comida, ata a decoración. Si che encantan as piñas, os flamencos e as palmeiras, o teu é organizar unha festa tropical. É ideal para celebrar o verán e perfecta para preparar no xardín. Podes incluso, animar aos teus invitados a que se disfracen con atavíos caribeños para que a temática sexa total. En Casa Shop e Party Fiesta atoparás todo o necesario para animar a túa festa e aos invitados: accesorios, complementos, vaixela, colares…e moito máis.

 Bidón dispensador (Casa Shop), grilanda luminosa (Casa Shop), mantel sandía (Casa Shop), bandexa piña (Casa Shop), panos de mesa tropicais (Casa Shop).

Outra das temáticas clásicas que nunca falla é a hippie. Resulta moi divertida e é moi fácil de preparar! Os ingredientes principais que necesitas para transportar aos teus invitados aos anos 60 son: o colorido, a harmonía e a alegría. Para a decoración podes customizar as paredes con globos e símbolos da paz. Coloca flores, faroliños, pompóns e velas por toda a casa, daranlle un toque perfecto a túa festa.

Grilanda flores (Party Fiesta), faroliños (Casa Shop), vaixela (Party Fiesta), vela redonda (Casa Shop)

Elixe manteis, pratos, vasos e panos de mesa de diferentes tonalidades. Suxerímosche cores vibrantes e psicodélicos, como os tons verdes, azuis, rosas, morados, amarelos, laranxas e todos os que che veñan á imaxinación.

A túa festa hippie gañará un plus de autenticidades se empregas un tocadiscos e discos de vinilo e se queimas algo de incenso, para que o olor sexa tamén un elemento de inmersión. En Natura atoparás unha gran variedade de incensos e velas aromáticas.

Dentro do tema gastronómico, o máis cómodo é preparar unha mesa buffet, xa que así cada un sérvese ao seu gusto e ao seu ritmo, e ademais permite invitar a un maior número de persoas das que se poderían sentar nunha mesa. Anímaa e decóraa con diversos complementos, coloca os teus aperitivos en bandexas e recipientes de cores que sexan vistosos e apetecibles á vista. Pásate por Casa Shop e por Fox Home, e bótalle unha ollada a súa sección de cociña.

Bandexa de tres pisos, soporte para cucurucho (Casa Shop), xogo cactus  pezas (Casa Shop), tabla cortar (Casa Shop), cestar para servir (Casa Shop).

Para o menú propoñémosche empezar cuns entrantes, que, ademais cunha boa presentación axudaranche a decorar a mesa: sándwichs variados ( pódelos envolver en papeis de cores para presentalos), vasiños de gazpacho, hummus e como prato forte, Carrefour España propón ovos recheos ao estilo mimosa. Son sinxelos de preparar e gustaranlle a todo o mundo.  Dálle ao play!

En canto á bebida, anímate a preparar limoada caseira, e sírvea nun bidón con dispensador. Quedará súper orixinal na mesa! Outro dos clásicos dos que nunca sobra unha gota é da típica  sangría, feita a base de viño tinto, froita e azucre.

Agora que xa te inspiraches coas ideas que che demos, estás preparado para ser o gran anfitrión?