As 6 tendencias que non podes perder estas rebaixas
Aínda que hai unhas semanas algunhas marcas daban por iniciado a tempada de saldos, hoxe comeza oficialmente o período de rebaixas, o que significa que xa podemos maximizar a procura das nosas pezas favoritas entre toda a oferta do mercado. Desde o blog de As Cancelas facemos un repaso das tendencias da tempada primavera-verán que viñeron para quedarse, para que as túas compras con desconto sexan o último grito. Comezamos!
Off shoulder: o escote de moda está nos ombreiros. A tendencia de destapar as clavículas comezou na primavera e consolídase para o verán, polo que che será moi fácil atopar camisas, tops e vestidos que deixen esta zona á vista.
Olivia Palermo / Amlul / Collage Vintage / Stella Wants to Die.
Volantes: combinan á perfección cos ombreiros ao aire. Camisas e vestidos que xuntan estas dúas tendencias inundan desde o inicio da primavera todas as tendas e son ideais para as noites de verán, así que permanece atenta na procura de choios para que non se che escapen.
Dulceida / All That She Wants / Collage Vintage / Lady Addict.
Alpargatas: un dos clásicos do calzado estival que se reinterpreta esta tempada na súa versión máis sofisticada. Se queres lucir á última como as influencers do momento, faite cunhas esparteñas que leven cintas ou lazos, ao máis puro estilo tradicional. Acerto seguro.
Sincerely Jules / Lady Addict / The Blonde Salad / Amlul.
Lace up flats: ou o que é o mesmo, bailarinas acordoadas. Darán un punto de sofisticación ao teu look sen necesidade de subir a uns tacóns. Ademais calzarán os teus pés tanto no verán como en épocas de entretempo.
Alexa Chung / Sincerely Jules / Dulceida / All That She Wants.
Pantalóns cullotte: tras a súa chegada ás nosas vidas o pasado ano, afianzáronse como un básico dos nosos looks pola súa comodidade e versatilidade, xa que encaixan tanto en outfits sport como máis elegantes. Si aínda non tes uns, non o dubides, é unha compra de fondo de armario que che salvará en máis dunha ocasión.
Song of Style / Stella Wants to Die / Trendy Taste / Lovely Pepa.
Todo ao branco: na túa procura de saldos, non pode faltar algo branco, a cor por excelencia do verán, que loce no seu máximo esplendor cando a nosa pel se deixa tostar polos raios do sol. Atrévete co look monocolor, triunfarás
Lovely Pepa / Paula Echevarría / Dulceida / Trendy Taste.
Tomaches nota das tendencias a ter en conta para estas rebaixas? Pois que comece a procura dos mellores choios!