As 5 tendencias clave de este outono
Aínda que quedan varias semanas de verán por gozar, as novas coleccións da tempada de outono xa ocupan todos as perchas das tendas de moda, relegando a un pequeno recuncho as últimas pezas das rebaixas de verán. Abrigos, botas, bufandas e xerseis viñeron para quedarse, mentres na rúa aínda reinan as temperaturas estivais. Pode que só pensar en poñer un abrigo nos produza urticaria, pero como muller previsora vale por dúas, hoxe no blog de As Cancelas traemos as tendencias que triunfarán este outono para que poidas adiantarte ao resto de fashionistas e non quedar sen elas.
Bailarina de ballet: se durante a túa infancia non practicabas danza clásica pero adorabas os tutús e as bailarinas de satén, estás de sorte. As coleccións da pasarela Fall/Winter 16 viñeron cargadas deste tipo de pezas, así que Zara no tardou en captar a mensaxe e lanzou ‘Ballet Collection’, unha liña dedicada en exclusiva a esta disciplina cargada de romanticismo, que mestura pezas para a práctica deste deporte con saias, vestidos e tops que se adaptan perfectamente á vida real.
Parches divertidos: Teletransportándonos á década dos 90, recuperamos esta tendencia que na súa orixe servía para remendar os rotos da roupa dos máis cativos e que agora resurxe con máis forza que nunca. Neste caso tedes dúas opcións para ir á última: buscar as pezas que xa teñan os parches incluídos ou marcarvos un DIY e personalizar a peza que queirades ao voso gusto. Se ademais o combinades cuns divertidos pins, acerto seguro. Por orde de aparición: cazadora vaqueira (Bershka), pantalóns vaqueiros (Springfield), set parches bordados (Stradivarius) e set de pins (Stradivarius).
‘Granny shoes’: ou o que é o mesmo, os zapatos estilo avoa que chegaron ás nosas vidas durante o outono de 2015 e que este ano seguen a reinar no apartado de calzado de todas as tendas. E é que nisto da moda xa se sabe que todo, tarde o cedo, acaba por volver. Se non tes a gran sorte de conservar no baúl dos recordos familiar un par destes zapatos, non te preocupes porque traemos unha selección da última tendencia de calzado vintage. En estampado de serpe (Cortefiel), en ante vermello (Krack) ou combinados en beige e negro (Zara).
Veludo: convertido xa nun dos clásicos da tempada outono-inverno, para este 2016 reinvéntase protagonizando todo tipo de pezas, dende vestidos, chaquetas, tops e bailarinas, ata pantalóns ou bodys. O vestido cruzado en ton gris perla e con cinto de borlas é ideal para as noites de entretempo nas que xa non vai tanto calor pero aínda non son necesarias as medias. Podes atopalo en Zara, como a chaqueta corta tipo quimono combinada en tons rosas. Os mocasíns azul mariño con sola de goma adáptanse á perfección aos estilismos de oficina, achegando un punto de sofisticación. Estes son de Cortefiel.
Choker: ben axustada ao pescozo, a gargantilla máis famosa dos anos 90 volve aos nosos armarios para completar os looks máis actuais. Se durante a túa adolescencia non quitabas de enriba a versión de plástico elástico, agora tes multitude de modelos, pero esta vez reinterpretados en distintos tecidos e estilos. O marrón de ante con aro no medio é de Zara e vén en pack cunha cadea máis longa, ao igual que o negro con apliques de pedraría de cores de Stradivarius, que vén acompañado de dous colares máis para combinar. O máis parecido á versión clásica de plástico é de crochet e podes atopalo en Berskha dentro dun pack de tres gargantillas. Por último, en Zara temos unha versión do cinto de dúas fibelas favorito das celebrities para vestir o noso pescozo.
Tomaches nota do que nos agarda este outono? Escolle as túas tendencias favoritas e entra na nova estación co estilo máis actual.