Os imprescindibles de moda baño para eles
Logo de facer un repaso no anterior post dos imprescindibles de moda baño feminina, toca analizar as tendencias de traxes de baño deste verán para eles. Aínda que as tendencias clásicas como os topos, as raias e as cores lisas seguen presentes, nos últimos anos foron cobrando cada vez máis protagonismo os estampados tropicais e as cores vivas e estridentes. As palmeiras, as piñas, os peixes tropicais, as plantas selváticas ou os pequenos animais son agora os reis da tempada en praias e piscinas, e a verdade é que non poden combinar mellor cun bonito bronceado. Para facilitarche a procura do traxe de baño do verán, hoxe no blog de As Cancelas facemos unha selección das tendencias da tempada que poderás atopar nas nosas tendas. Agora só terás que elixir con cal quedas, e correr antes de que se esgote.