Vén divertirte con Celipark!
Un ano máis, dende o Club de Celi organizamos o plan máis divertido do verán para os nosos pequenos visitantes. Preparados para descubrilo? Volve Celipark! Do 13 de agosto ao 24 de setembro, no noso aparcadoiro exterior teremos as atraccións de feira máis populares como o scalextrix, os coches de choque, as camas elásticas ou o tren, que funcionarán con todas as medidas de seguridade e cumplindo a normativa sanitaria. O horario de apertura do Celipark será de 16 a 21h de luns a venres, os sábados de 12 a 14h e de 16 a 22h e os domingos de 16 a 22h.
As fichas para utilizar as atraccións poderán adquirirse no despacho de billetes do Celipark ao prezo de 2,5 euros cada ficha ou 10 euros por seis fichas, pero os socios do Club de Celi poderán conseguir a primeira ficha gratis presentando o seu carné no Punto de Atención ao Cliente. Aínda non formas parte do club? Inscríbete de xeito gratuito no mesmo Punto de Atención ao Cliente ou a través deste formulario.
Pero iso non é todo, porque coas túas consumicións de restauración tamén poderás conseguir fichas gratis para as atraccións. Só tes que presentar no Punto de Atención ao Cliente tickets dos nosos locais de restauración ou do cine por valor de 30 euros. Os tickets poderanse sumar, e poderán ser de diferentes días (con datas comprendidas entre o 13 de agosto e o 24 de setembro), co límite dun troco por día.
A diversión está asegurada!