Buscamos a nosa imaxe na Fashion Night 2016
En As Cancelas queremos celebrar a chegada da primavera cun concurso para elixir os modelos da súa campaña publicitaria de moda do próximo outono. Os gañadores do casting serán a imaxe do centro no gran evento da moda de outono das Cancelas: a Fashion Night 2016, unha cita imprescindible para todos os amantes do estilo e as tendencias en Santiago e a súa área metropolitana.
O casting terá dúas categorías: adultos e infantil. Na categoría de adultos poderá inscribirse calquera persoa de 16 a 35 anos. A idade para participar no casting infantil será de 4 a 12 anos. O prazo para a inscrición en ambas as categorías será do 5 de marzo ao 8 de abril, e poderá facerse na web de As Cancelas e no punto de atención ao cliente do centro comercial.
O casting, a cargo dun xurado profesional, celebrarase os días 9, 11 e 12 de abril para os adultos e o 16 de abril para os nenos. Os seleccionados participarán nas finais de ambas as categorías: o 23 de abril será a pasarela de nenos e o 30 de abril a de adultos.
O gañador e a gañadora do casting de adultos serán a imaxe da campaña publicitaria da Fashion Night 2016 de As Cancelas. Ademais, obterán como premio a realización dun book fotográfico profesional e a inscrición nun curso na axencia de modelos profesional Luena, que lles abrirá a porta ao casting da Mercedes Benz Fashion Week de Madrid. Tamén recibirán cada un un vale de 200 euros para gastar en As Cancelas.
O neno e a nena gañadores do casting infantil serán tamén a imaxe dunha campaña publicitaria do centro comercialy recibirán como premio un vale de 200 euros e a realización dun book fotográfico profesional e a inscrición nun curso na axencia de modelos profesional Luena.
Todos os inscritos no casting recibirán un premio e participarán no sorteo dun vale de 200 euros para utilizar en As Cancelas.
