Rincón de lectura: libros que serán best sellers en 2022
Este ano ven cheo de novas propostas de libros para todo tipo de lectores e moitos deles prometen ser best sellers. Dende o Hipermercado Carrefour do Centro Comercial Cancelas propoñémosvos 6 libros que sen dúbida van ser dos más lidos neste ano 2022.
EL LIBRO NEGRO DE LAS HORAS, EVA GARCÍA SÁENZ DE URTURI, EDITORIAL PLANETA
A escritora Eva García Sáenz de Urturi trae de novo a Unai López de Ayala, alias Kraken, o seu personaxe literario máis importante, que a levou a converterse nunha das autoras máis importantes na actualidade .
Nesta cuarta novela, o ex-inspector recibe unha misteriosa chamada anónima que lle fará cambiar a perspectiva de todo o que cree saber acerca do pasado da súa familia. Dispón dunha semana para atopar o exclusivo Libro Negro de las Horas, ou a súa nai morrerá. Isto é o que máis descoloca ao personaxe, xa que a súa nai supostamente leva morta varias décadas. Para resolver o caso terá que moverse entre as cidades de Vitoria e Madrid para dar caza a un complexo perfil criminal.
VIOLETA, ISABEL ALLENDE, EDITORIAL PLAZA& JANÉS
Isabel Allende regresa cunha novela inspirada na súa nai, Francisca Llona Barros, que faleceu no 2018 aos 99 anos. Na novela a escritora recorre cen años de historia a través do personaxe de Violeta: dende a gripe de 1920 ata a pandemia da covid do año 2020. Faino a través dunha carta que a protagonista escribe á persoa que máis ama no mundo, e nela lembra diversos momentos da súa vida: romances, desenganos amorosos, instantes de felicidade e perdas dolorosamente tristes.
A obra non decepciona, é unha novela inspiradora, absorbente e moi emocionante.
FLEUR, MI DESESPERADA DECISIÓN, ARIANA GODOY EDITORIAL MONTENA
Ariana Godoy regresa cunha novela que acontece anteriormente á súa obra Heist, publicada o ano pasado. Completa así a escritora a saga Darks, composta por esta historia anterior, dous libros principais e outro intermedio entre o primeiro e o segundo.
A venezolana é unha das autoras máis populares do momento, sobre todo trala adaptación en Netflix da súa novela A través de mi ventana, estreada no mes de febreiro.
En Fleur, mi desesperada decisión, a protagonista Fleur Dupont sobrevive ao brutal asasinato dsa súa familia. Ela non lembra nada e tampouco sabe por que sobreviviu ao ataque, polo que decide investigar a morte dos seus pais e da súa irmá, anque sexa o último que faga.
POR SI LAS VOCES VUELVEN, ÁNGEL MARTÍN, EDITORIAL PLANETA
O humorista e presentador Ángel Martín presenta o seu primeiro libro, Por si las Voces vuelven, onde relata en primeira persoa a súa experiencia tras ter sufrido un brote psicótico.
O autor pon o foco na importancia de coidar a nosa saúde mental e trata de eliminar os tabúes que todavía existen en relación a este tipo de enfermidades. Trátase dun sorprendente testimonio persoal, que segundo o propio Martín, escribeu para si memo, pero que pretende servir de axuda para quen teña pasado ou estea pasando por unha situación similar.
LA CUENTA A TRÁS PARA EL VERANO, LA VECINA RUBIA EDITORIAL LIBROS CÚPULA
La Vecina Rubia acumula máis de 5 millones de seguidores nas súas redes sociais. Pensamos que a coñecemos, pero non sabemos o seu nome nin como é a súa cara. Agora a popular e misteriosa influencer lanza a súa primeira novela, La cuenta atrás para el verano, na que nos fala das persoas máis importantes da súa vida, aquelas que a marcaron nalgún aspecto e que a axudaron a coñecerse a si mesma. Un percorrido de máis de 400 páxinas acerca da amizade, o amor, a familia e o paso do tempo.
Esta novela redescúbrenos a este popular personaxe como escritora novel e vainos servir para coñecela un pouco máis a fondo e na súa faceta máis humana e persoal.
ROMA SOY YO, SANTIAGO POSTEGUILLO
Neste libro Santiago Posteguillo logra sumerxir ao lector nunha viaje a través do tempo, para levalo á antiga Roma e facerlle descubrir a orixe de Julio César.
Corre o año 77 a.C. en Roma, e o senador Dolabela vai ser xulgado por corrupción. Ten contratados aos avogados mais competentes, ten sobornado ao xurado e ninguén se atreve a ser o fiscal. Pero un novo patricio chamado Caio Julio César ofrécese para ser o avogado da acusación e defender ao pobo de Roma, desafiando o poder das altas esferas.
Con esta novela coñeremos un pouco más de cerca ao home que se atopa detrás do mito.