Operación saída: os imprescindibles da túa equipaxe

Unha escapada é a opción ideal para desconectar e recargar pilas, aínda que só sexa durante un par de días, para volver ao traballo con enerxías renovadas polo menos ata as próximas vacacións de verán. Gozar da praia, da montaña, doutras cidades ou do pobo… Ocúpate de concretar destino cos teus amigos ou familia, pero non te preocupes da maleta, porque no blog de As Cancelas dámosche as claves de todo o que precisas para unha fin de semana perfecta.

Antes de empezar a escoller a roupa e os complementos, a primeira misión é consultar a previsión do tempo do destino, para así poder aforrarnos os ‘ por se acaso’ e levar unicamente o necesario para a nosa escapada.

Etiqueta equipaxe (Primark), maleta ríxida (Misako), almofadas viaxe (Paco Martínez).

Se vas viaxar en avión, infórmate sobre a normativa do equipaxe de man e do facturado da túa aeroliña, pero non te esquezas en ningún dos casos de identificar a túa maleta. En Paco Martínez e Primark podes encontrar unha gran variedade de identificadores, desde os máis clásicos aos máis coloridos. En cambio, se vas desprazarte en coche, aconsellámosche que leves unha almofada de viaxe para reducir a presión do pescozo, e así evitar unha mala postura que arruíne as túas vacacións. Este accesorio tamén o podes atopar en Paco Martínez.

Lentes de sol Rayban (Opticalia Casa de los Lentes), pamela de palla (Bershka), cámara instantánea Fujifilm Instax Mini 8 (Natura), borsalino con cinta (H&M).

O seguinte paso é preparar unha listaxe dos nosos imprescindibles para evitar levar máis peso do necesario. En primavera é recomendable que un sombreiro e unhas lentes nos acompañen para protexernos dos raios solares. A pamela de palla é de Bershka, mentres que o sombreiro de cabaleiro da imaxe é de H&M. Para as e os máis atrevidos, son tendencias os sombreiros estilo gorra e as gorras de béisbol. Completa o teu look con estas gafas de sol que atoparás en Opticalia Casa de los Lentes. E por suposto, a cámara de fotos que non falte.

Pantalón (Lefties), camiseta básica botóns (Zara), monedeiro pizza (Pull&Bear), zapatillas Nike (Merkal Calzados).

Non é necesario que baleires o teu armario na maleta, o mellor é optar por aquelas prendas que resulten máis versátiles, como poden ser os vaqueiros ou os pantalóns fluídos que se adaptan a todo tipo de calzado. Poderalos combinar con zapatillas ou zapatos, que vestirán os teus pés de comodidade e estilo. As camisetas básicas poden ser un gran aliado, porque son moi combinables e adecuadas para todo tipo de veladas.

Pantalones vaqueiros (Pull&Bear), camisa cadros (Zara), xerséi algodón (Zara), zapatillas deportivas (Massimo Dutti).

Para eles, a pesar de que exista a idea de que o teñen máis fácil á hora de preparar a súa equipaxe, non é de todo certo. Tamén deben facer unha listaxe e priorizar aqueles looks que máis se adapten ao destino da viaxe, para non encher a maleta con prendas innecesarias. Os pantalóns chineses e os vaqueiros permítenche crear un outfit casual se os combinas con camisetas básicas, ou un look máis formal se van con camisas.

Crema solar Vichy (Arenal), libro ‘El laberinto de los espíritus’ (Carrefour), cantimplora metálica (Sport Zone).

Dependendo do destino, podes optar por un libro se vas á praia, como, por exemplo, ‘‘El laberinto de los espíritus’, obra de Carlos Ruiz Zafón que está sendo un éxito e que poderás atopar en Carrefour. Sen embargo, se o teu plan vacacional está máis orientado cara ao sendeirismo ou a montaña, aconsellámosche que teñas preto unha cantimplora.  Se aínda non a tes, pasa por Sport Zone e escolle a que máis che guste. Pero, o imprescindible por excelencia para todos os destinos é o protector solar. Para as primeiras exposicións ao sol recomendámosche empregar un factor de protección alto, entre 30 e 50, como este de Vichy, que poderás atopar en Arenal.

E ata aquí a nosa listaxe de imprescindibles, que por suposto poderás encontrar nas tendas de As Cancelas. Agora só toca esperar e gozar da escapada. Boa viaxe!