Inspiración low cost para a invitada perfecta
Co fin da primavera e o comezo do verán, vodas, bautizos, e comuñóns copan os fins de semana do noso calendario ata case principios de outono. E é que é difícil librarse de que cada ano nos toque algún evento deste tipo, pero que ninguén perda os nervios, porque hoxe no blog de As Cancelas facemos unha selección low cost dos mellores looks de invitada.
Cada vez que unha invitación asoma polo buzón, a nosa mente fai un recoñecemento rápido do fondo de armario para ver se hai algo que se poida reciclar. No mellor dos casos, cun par de zapatos novos e un cambio nos complementos poderás aproveitar aquel vestido tan bonito que só che puxeches unha vez e custouche un dineral.
Se non tes nada reutilizable do que poidas tirar, bota unha ollada á nosa selección de vestidos e monos por menos de 100€ cos que triunfar en calquera bautizo, voda, comuñón, graduación ou evento similar. Trátase de pezas con cortes sinxelos pero efectivos, e con cores lisas, que outorgan o protagonismo aos complementos, de maneira que despois poderás aproveitalas moito máis que a típica roupa de festa.
Vestidos e monos
De máis altura ou de menos, de tacón fino ou tacón ancho, abertos ou de punta redonda, lisos ou estampados… A oferta é tan ampla que, sexan cal sexan as túas preferencias, atoparás un modelo adaptado ao teu estilismo e aos teus gustos.
Zapatos
Tocados, pendentes, diademas, bolsos, cintos… A elección adecuada destes elementos fai posible que dúas persoas coa mesma peza, parezan totalmente diferentes. Deixa voar a túa imaxinación e escolle os accesorios que máis van coa túa personalidade e estilo. Atinarás seguro!
Complementos e accesorios